London vağzalında yanğın səbəbindən 2 min sərnişin təxliyyə edilib

Bakı. 13 iyul. REPORT.AZ/ Londonun Paddinqton vağzalında yanğınla bağlı həyəcan siqnalının işə düşməsi səbəbindən ərazidən təxminən iki min nəfər təxliyyə edilib.

"Report" BBC-yə istinadən xəbər verir ki, yanğın elektrik lövhəsində qısa qapanmadan baş verib.

Yanğın hazırda söndürülüb, lakin hadisə qatarların hərəkət cədvəlində dəyişikliklərə səbəb olub. Təcili xidmət orqanları hadisə yerində iş aparır.