Liviyadakı vəziyyətlə bağlı BMT TŞ-nın təcili iclasının keçirilməsi istənilib

Böyük Britaniya Liviyadakı vəziyyətlə bağlı BMT Təhlükəsizlik Şurasının təcili iclasının keçirilməsini istəyib. “Report” xəbər verir ki, bu barədə “Frans Press”ə istinadən "TASS" məlumat yayıb.

Ehtimal olunur ki, cümə günü Təhlükəsizlik Şurası qapalı rejimdə görüş keçirəcək.

Qeyd edək ki, Liviya milli ordusunun komandanı, feldmarşal Xəlifə Haftar ölkənin paytaxtı Tripolini silahlı qruplaşmalardan azad etmək barədə öz hərbçilərinə əmr verib. Liviyanın ordu qüvvələri artıq paytaxtdan cənubda Qaryan və Surman şəhərləri üzərində nəzarəti ələ keçirib.