Liviyadakı toqquşmalarda ölənlərin sayı 115 nəfərə çatıb

Bakı. 24 sentyabr. REPORT.AZ/ Liviyanın paytaxtı Tripolidəki silahlı toqquşmalarda ölənlərin sayı 115 nəfərə çatıb.

“Report”un RİA “Novosti”yə istinadən məlumatına görə, bu barədə ölkənin “Al-Wasat” portal xəbər verib.

Tripolidə yaralıların işi üzrə idarənin hərbi hospitalına istinadən yayılan xəbərdə bildirilir ki, paytaxtda avqustun 26-dan davam edən silahlı toqquşmalar nəticəsində daha 560 nəfər yaralanıb. Yaralılardan 383 nəfərin xəsarətləri ağır və orta ağırdır. Toqquşmalar zamanı yaralanan 177 nəfərin xəsarəti yüngüldür.