Liviyada Haftarın silahlılarının hücumu zamanı 28 nəfər həlak olub

Liviyada Haftarın silahlıları paytaxt Tripolidən cənubdakı Al-Hadbe ərazisində hərbi məktəbə hava zərbəsi endiriblər.

Bu barədə “Report” “Anadolu” agentliyinə istinadən xəbər verir.

Bildirilir ki, hava hücumu nəticəsində 28 nəfər həlak olub, daha 18 nəfər yaralanıb.

Səhiyyə Nazirliyinin rəsmi nümayəndəsi agentliyə bildirib ki, hücumun hədəfi hərbi məktəbin tələbə yataqxanası olub.

Ölənlərin və yaralıların sayının artacağı ehtimal olunur.