Yuxarı
    Bağlamaq

    Liviya sahillərində mühacirləri daşıyan qayığın batması nəticəsində 100-dən çox insan ölüb

    Onlardan 201-i xilas edilib

    Bakı. 28 avqust. REPORT.AZ/ Aralıq dənizinin Liviya sahillərində mühacirləri daşıyan qayığın batması nəticəsində 100-dən çox insan ölüb. 

    "Report" xəbər verir ki, bu haqda xarici mətbuat məlumat yayıb.

    Xəbərə görə, hadisə Liviyanın Zuvara şəhəri sahillərində baş verib. Qayıqlardan birində 50, o birində isə 400 mühacir olub. Mühacirlərin Suriya, Pakistan, Banqladeş, Afrika ölkələri, o cümlədən Mərakeşdən olduğu bildirilib.

    Onların çoxunun öldüyü ehtimal edilir. Şahidlər yüzdən çox mühacirin meyitinin Liviyanın paytaxtı Tripoldakı xəstəxanaya aparıldığını söyləyiblər. Məlumata görə, 201 mühacir xilas edilib.

    Liviyanın sahil mühafizə xidmətinin xilasediciləri axtarış-xilasetmə işlərini davam etdirir. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi