Yuxarı
    Bağlamaq

    Latviyada SSRİ-dən qalma sonuncu nüvə bazası sökülür

    Martınış Malniekesin sözlərinə görə, şaxta 1982-ci ildə tikilib

    Bakı. 6 fevral. REPORT.AZ/ Latviyada keçmiş SSRİ-dən qalmış sonuncu nüvə raket bazasının sökülməsinə başlanılıb.

    “Report” xəbər verir ki, bu barədə TASS-a söküntü işlərinin aparan “Demontaza.lv” şirkətindən bildirilib.

    “Söküntü işlər yarım il sürəcək və 32 metr dərinliyində olan şaxtanın yeri düz olacaq" - şirkətin direktoru Martınış Malniekes deyib.

    M.Malniekesin sözlərinə görə, şaxta 1982-ci ildə tikilib: “Biz ölçmüşük, orada şüalanma yoxdur.”

    Ümumiyyətlə, “Dvina P-12” raket-şaxta kompleksi ölkənin Qulbene şəhəri yaxınlığında yerləşir və biri komanda mərkəzi olmaqla kompleksin 4 şaxtadan ibarətdir. Nüvə obyektinin sökülməsinin smeta xərci 189,9 min avrodur. Söküntü işlərinin sifarişçisi isə Latviyanın Müdafiə Nazirliyidir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi