Yuxarı

La-Manş boğazında beş britaniyalı naməlum şəraitdə ölüb

Xilasedicilər əhalidən sudan kənar durmağı xahiş edirlər

Bakı. 25 avqust. REPORT.AZ/ Şərqi Susseks qraflığında, La-Manş sularında çimərkən beş britaniyalı naməlum şəraitdə həlak olub.

"Report" xəbər verir ki, bu barədə Krallıq Milli Xilasetmə Təşkilatına istinadən "Sky News" telekanalı məlumat yayıb.

Telekanalın məlumatına görə, xilasedicilər çərşənbə günü sudan üç kişi çıxardıblar, onların həyatını xilas etmək mümkün olmayıb. Sonradan Kamber Sands çimərliyinin sularında daha iki nəfərin meyiti tapılıb.

Versiyalardan birinə görə, kişilər meduzaların dişləməsi nəticəsində ölə bilərlər. Lakin bu az ehtimal olunur, çünki yerli meduzalar "gicitkəndən bərk dişləmirlər".

Digər versiyaya görə, buna güclü qabarma-boşalma və ya əks cərəyanlar səbəb ola bilər. Bu, bir neçə dəqiqədə insanı dənizin dərinliyinə apara bilər.

Polis və xilasedicilər insanları sudan uzaq durmağa çağırıblar.

Yüzlərlə britaniyalı isti havalardan xilas olmaq üçün dəniz və La-Manş boğazına üz tuturlar.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi