KXDR yeni raketi sınaqdan keçirdiyini bildirib

Koreya Xalq Demokratik Respublikası sentyabrın 28-də yeni "Xvason-8" yeni hipersəsli raketinin sınaqlarını keçirib.

“Report”un məlumatına görə, bu barədə Koreyanın Mərkəzi Teleqraf Agentliyi bildirib.

Agentliyin məlumatına görə, sınaqlar ölkənin şimalında poliqonlardan birində keçirilib. Raket Koreya Xalq Demokratik Respublikasının Hərbi Elmlər Akademiyası tərəfindən hazırlanıb.

Daha əvvəl “Yonhap” agentliyi bildirib ki, Koreya Xalq Demokratik Respublikası yeni tipli səsdən sürətli uçuş aparatının sınağının keçirilməsi haqqında məlumat yayıb.