Yuxarı

Kubada nümayişlər zamanı 42 müxalifətçi saxlanılıb

Nümayişçilər ölkə müxalifətçilərinin həbsxanalardan azad olunmasını tələb edirdilər

Bakı. 19 dekabr. REPORT.AZ/ Kuba polisi ölkənin bir neçə şəhərində müxalifət qüvvələrinin keçirdiyi aksiyaları dağıdıb.

"Report" xəbər verir ki, bu barədə "France Presse" məlumat yayılıb. Məlumata görə, polis tərəfindən azı 42 müxalifətçi saxlanılıb.

Kubada qadağan edilmiş UNPACU (Kubanın Vətənpərvərlik İttifaqı) təşkilatının liderlərindən biri Xose Daniel Ferrer agentliyə bildirib ki, müxalifət nümayəndələri paytaxt Havanada, Sentyaqo-de-Kubada və Palma-Soriano keçirilən nümayişlərin gedişatında saxlanılıb.

Nümayişçilər ölkə müxalifətçilərinin həbsxanalardan azad olunmasını tələb edirdilər. Agentlik isə qeyd edir ki, Kuba hakimiyyəti ölkədə siyasi məhbusların olduğunu inkar edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi