Kuba XİN: Vaşinqtondakı səfirliyimiz mühasirəyə alınıb

Kubanın Xarici İşlər Nazirliyi ölkənin ABŞ-ın paytaxtı Vaşinqtondakı səfirlik binasının “mühasirəyə alındığını” bildirib.

“Report”un məlumatına görə, nazirlik bu barədə özünün tvitterdəki səhifəsidə xəbər verib.

"Bizim diplomatik nümayəndəliklərimizin mühasirəsi davam edir, bu dəfə Vaşinqtondakı səfirliyimizin ətrafında", - deyə Kubanın Xarici İşlər Nazirliyinin sosial şəbəkədəki hesabında qeyd edilib.

Paylaşıma əlavə edilən edən şəkillərdə Kubanın Vaşinqtondakı səfirliyinin hasarının plakatlarla və transparantlarla örtülməsi əks olunub.

Qeyd edilir ki, bu səfirlik həmçinin 2020-ci ildə terror aktından zərər çəkib. Lakin ABŞ hökuməti hadisə ilə bağlı indiyə qədər susur.

Xatırladaq ki, ötən ilin aprelində naməlum kişi Vaşinqtonda Kuba səfirliyinin binasına atəş açıb. Hadisə nəticəsində heç kim xəsarət almayıb, amma binaya zərər vurulub.

Eyni zamanda dünən naməlum cinayətkarlar Kubanın Fransadakı səfirliyinin binasına yandırıcı qarışığın olduğu butulkalarla hücum ediblər.

Prosigue el asedio a nuestras sedes diplomáticas, esta vez en Washington DC, en el perímetro de nuestra Embajada. La misma que sufrió un ataque terrorista en 2020 y sobre lo que aún el gobierno de EEUU guarda silencio.#NoAlTerrorismo#LetCubaLive pic.twitter.com/bxjt42zJ0e

— Cancillería de Cuba (@CubaMINREX) July 27, 2021