Yuxarı

Kuba XİN: ABŞ ilə münasibətlərin normallaşması sanksiya siyasətinin ləğv edilməsindən sonra mümkündür

Nazirlikdən suveren dövlətlər arasında ciddi fikir mübadiləsinə başlamağa hazır olduqlarını bildiriblər

Bakı. 21 yanvar. REPORT.AZ/ Kuba və ABŞ arasında münasibətlərin normallaşması yalnız Birləşmiş Ştatların birtərəfli sanksiya siyasətinin ləğv edilməsindən sonra mümkün ola bilər. "Report" "İTAR-TASS"a istinadən xəbər verir ki, bu barədə iki dövlətin nümayəndə heyətlərinin Havanada danışıqlarından öncə Kuba Xarici İşlər Nazirliyinin bəyanatında deyilir.

"İkitərəfli əlaqələrin normallaşması Kuba xalqına xeyli maddi və humanitar ziyan vuran  birtərəfli sanksiya siyasətinin ləğv edilməsindən sonra mümkündür", - XİN bəyanatında qeyd olunub. 

Nazirlikdən "daxili işlərə qarışmamaq və iki milklətin milli suverenliyinə hörmət prinsiplərinə lazımi dərəcədə riayət etməklə", suveren dövlətlər arasında ciddi fikir mübadiləsinə başlamağa hazır olduqlarını bildiriblər.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi