Yuxarı
    Bağlamaq

    Kuba prezidenti Vatikana səfər edib

    Roma papası Kastronu “Müqəddəs Martin” medalı ilə təltif edib

    Bakı. 10 May. REPORT.AZ/ Kuba prezidenti Vatikana səfər edib. Raul Kastro Roma papası Fransiskə ABŞ-la Kuba arasında diplomatik əlaqələrin bərpası səylərinə görə təşəkkürünü bildirib.

    "Report"un Amerikanın Səsinə istinadən verdiyi xəbərə görə, Kuba lideri Argentinada doğulmuş Roma papası ilə bir saata qədər ispan dilində görüş keçirib. O, Fransiski müdrik və təvazökar insan adlandırıb.

    Roma katoliklərinin lideri Fransisk Vaşinqtonla Havana arasında keçirilən məxfi müzakirələdə mühüm rol oynayıb.

    Ölkələr arasında əlaqələrin bərpası barədə rəsmən Vaşinqton dekabr ayında bəyanat verib.

    Roma papası Kastronu “Müqəddəs Martin” medalı ilə təltif edib.

    Kuba prezidenti isə Fransiskin Kubaya səfəri zamanı onun təşkil edəcəyi bütün mərasimlərdə iştirak edəcəyinə vəd verib.

    Raul Kastro Vatikana İkinci Dünya Müharibəsinin başa çatmasının 70-ci ildönümü münasibəti ilə şərəfli qonaq kimi səfər edtiyi Moskvadan gedib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi