Yuxarı
    Bağlamaq

    ​Kuba ABŞ konqresmenlərinə viza verməkdən imtina edib

    Onlar yerli aeroportların necə mühafizə olunduğunu yoxlamaq istəyiblər

    Bakı. 25 iyun. REPORT.AZ/ ABŞ Konqresinin Nümayəndələr Palatasının Milli təhlükəsizlik komitəsinin üzvlərindən ibarət qrup yerli hava limanlarının necə mühafizə olunduğunu yoxlamaq üçün Kubaya gedə bilməyib. Çünki ada dövlətinin hakimiyyəti amerikalı qanunvericilərə viza verməkdən imtina edib.

    "Report" xəbər verir ki, bu barədə cümə günü jurnalistlərə komitə nümayəndəsi, Texas ştatından olan respublikaçı Maykl Makkol məlumat verib.

    "Onlar daima "gəlin Kubanı hamı üçün kəşf edək" deyə-deyə Təhlükəsizlik komitəsi sədrinin viza almaq üçün ünvanladığı ərizəni sadəcə rədd ediblər", - deyə o bildirib.

    ABŞ və Kuba 2015-ci ilin yayında 1961-ci ildə pozulan diplomatik münasibətləri bərpa ediblər. İki ölkə hökuməti müntəzəm aviaəlaqənin bərpasına dair razılıq əldə edib, bu ayın əvvəlində isə Amerikanın Nəqliyyat Nazirliyi adaya uça biləcək şirkətləri müəyyən edib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi