Konqoda qatar qəzaya uğrayıb, 33 nəfər ölüb

Bakı. 13 noyabr. REPORT.AZ/ Konqonun cənubunda yerləşən Lualaba əyalətində yük qatarının qəzaya uğraması nəticəsində azı 33 nəfər həlak olub.

"Report" AP-yə istinadən xəbər verir ki, içərisində yanacaq materialları olan çənlər, eləcə də bir qrup sərnişin daşıyan qatar dağa qalxan zaman relsdən çıxıb. Qatar yarğana düşdükdən sonra çənlər yanmağa başlayıb.

Milli dəmir yolu şirkətinin nümayəndəsi bildirib ki, yük qatarı ilə insanların daşınması qanunsuz olub.

Hadisə Lubumbaşi-Luena dəmir yolu marşrutunda baş verib.