​Kolumbiyada üsyançılar 11 hərbçini qətlə yetiriblər

Bakı. 27 oktyabr. REPORT.AZ/ Bazar ertəsi Kolumbiyada "Milli Azadlıq Ordusu" (MAO) silahlılarının hücumu nəticəsində 11 hərbçi və polis əməkdaşı həyatını itirib.

"Report" TASS-a istinadən xəbər verir ki, bu barədə ölkənin Müdafiə Nazirliyi məlumat yayıb.

Məlumata görə, hücum zamanı daha 3 nəfər yaralanıb, həmçinin 6 nəfər itkin düşmüş hesab olunur.

Hərbçilər hinduların yaşadığı Quikan bələdiyyəsində seçki məntəqəsi bülletenlərinin mühafizəsini təmin etməklə məşğul olublar. Hücum əsgərlər departamentin paytaxtına doğru hərəkət etdiyi zaman baş verib.