Bakı. 19 may. REPORT.AZ/ Kolumbiyanın Salqar şəhərində baş verən torpaq sürüşməsi nəticəsində ölənlərin sayı 61 nəfərə çatıb.
"Report" TASS-a istinadən xəbər verir ki, bu haqda Kolumbiya Milli Fövqəladə Hallar İdarəsi məlumat yayıb.
"Xilasedicilər 61 nəfərin meyitini aşkarlayıb. Hazırda meyitlər şəxsiyyətlərinin müəyyənləşdirilməsi üçün məhkəmə-tibbi ekspertizasına aparılır", - idarədən bildirilib.
Xatırladaq ki, ötən gün Kolumbiyanın şimal-qərbində torpaq sürüşməsi baş verib. Sürüşməyə leysan yağışların səbəb olduğu bildirilib. Ölənlərin sayının artacağı ehtimal olunur.