Yuxarı

​Kolumbiyada təyyarə evlərin üzərinə düşüb, 5 nəfər ölüb

Ölənlərdən 4 nəfəri təyyarədə olub

Bakı. 19 oktyabr. REPORT.AZ/ Kolumbiyanın paytaxtı Boqota şəhərində kiçik mühərrikli təyyarənin çörək sexi və üç yaşayış evi üzərinə düşməsi nəticəsində 5 nəfər həyatını itirib.

"Report" xəbər verir ki, ölənlərdən 4 nəfəri təyyarədə olub: 1 pilot, 3 sərnişin. Digər ölən şəxs isə çörək sexinin əməkdaşı olub.

Polisin məlumatına görə, təyyarə yerə düşdükdən sonra yanğın baş verib. Hadisə nəticəsində 7 nəfər yanıq xəsarəti ilə xəstəxanaya yerləşdirilib. Onlardan ikisinin vəziyyəti ağırdır.

Mülkü Aviasiya İdarəsinin məlumatına görə, hava gəmisi Eldorado aeroportundan uçduqdan bir neçə dəqiqə sonra qəzaya uğrayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi