Yuxarı
    Bağlamaq

    Kolumbiyada MAO-nun 8 üsyançısı zərərsizləşdirilib

    Döyüş zamanı həmçinin hökumət qüvvələrinin 3 əsgəri də yaralanıb© Foto: "Rotfront.su"

    Bakı. 3 aprel. REPORT.AZ/ Kolumbiya ordusu və polisi Milli Azadlıq Ordusuna (MAO) qarşı birgə əməliyyat keçirib.

    "Report"un məlumatına görə, bu barədə "Heraldio" portalı ölkənin Müdafiə Nazirliyindəki mənbəyə istinadən xəbər verib.

    Xəbərdə bildirilir ki, əməliyyat zamanı MAO-nun 8 üsyançısı öldürülüb. Üsyançılara qarşı döyüş Norte-de-Santander departamentində baş verib.

    Döyüş zamanı həmçinin hökumət qüvvələrinin 3 əsgəri də yaralanıb.

    Qeyd edək ki, MAO Cənubi Amerikanın bu ölkəsində üzvlərinin sayına görə ikinci böyük qruplaşmadır. Qruplaşma üzvləri bu yaxınlarda Ekvadorun paytaxtında hökumətlə sülh danışıqları aparmağa başlayıb.

    Lakin ekspertlər danışıqların nə qədər davam edəcəyini və etibarlı olacağını deməyə çətinlik çəkirlər. 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi