Yuxarı
    Bağlamaq

    Kolumbiyada daşqın qurbanlarının sayı 254 nəfərə çatıb

    Həlak olanlar arasında 43 uşaq var© Foto: Newsbel.by

    Bakı. 3 aprel. REPORT.AZ/ Kolumbiyanın Mokoa bələdiyyəsində (Putumayo departamenti) çayın daşması nəticəsində ölənlərin sayı 254 nəfərə çatıb.

    "Report" xəbər verir ki, bu haqda ölkənin prezidenti Xuan Manuel Santos "Twitter" şəbəkəsindəki mikrobloqunda bildirib.

    Prezident təbii hadisədən zərər çəkmiş regionun bərpasına ayırılmış 1,2 milyard dollardan danışıb. O, həlak olanların ailələrinə başsağlığı verib və fəlakətlə mübarizə aparan təxminən 2 min xilasediciyə, həkimə fədakar əməyə görə təşəkkür edib.

    Qeyd edək ki, bundan əvvəl Beynəlxalq Qırmızı Xaç Komitəsi təbii fəlakət nəticəsində 200 nəfərin öldüyünü bildirib. "Associated Press" agentliyinin məlumatına görə, həlak olanlar arasında 43 uşaq var.

    Ötən həftə çaylar ölkədə yağan güclü leysanlar səbəbindən yatağından çıxıb. Böyük su axınları sakinlərin evlərini uçurub. Bələdiyyədə çoxlu sayda körpü məhv edilib, su axınları avtomobilləri aparıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi