Almaniyanın Köln şəhərində minlərlə insan İkinci Dünya Müharibəsindən qalmış 500 kiloqramlıq bombaya görə təxliyyə edilir.
Bu barədə "Report" RİA "Novosti" agentliyinə istinadən xəbər verir.
Qeyd edilir ki, bomba Solştok ərazisində tikinti işləri zamanı aşkar edilib. Tapıntı yerinə yaxın 500 metr ərazi əhatəyə alınıb.
Təhlükə ilə əlaqədar 6,5 min nəfər təxliyyə ediləcək.
Tapıntının yeri yaxınlığında müxtəlif təhlükəli yüklərlə dolu təxminən 30 vaqon var.
Məlumata görə, bomba İkinci Dünya Müharibəsi vaxtı Britaniya hərbi aviasiyası tərəfindən atılıb.