​Klinton ABŞ prezidenti postuna namizədliyini irəli sürüb

Bakı. 13 aprel. REPORT.AZ/ Nyu-York ştatının sabiq senatoru, Barak Obama administrasiyasında keçmiş dövlət katibi olan Hillari Klinton ABŞ prezidenti postu uğrunda mübarizəyə başlayıb.

"Report" xəbər verir ki, Klintonun müraciəti bazar günü onun seçkiqabağı kampaniyasının saytında və sosial şəbəkələrdə yerləşdirilib.

"Mən ABŞ prezidenti postu uğrunda mübarizəyə başlayıram və sizin dəstəyinizə güvənirəm. Sadə amerikalıya onun hüquqlarını müdafiə edən insan lazımdır. Və mən həmin insan olmaq istəyirəm", - deyə Klinton iki dəqiqəlik videoçarxda bildirib.