Kiyevdə metro yaxınlığında atışma olub, bir nəfər ölüb

Bakı. 29 yanvar. REPORT.AZ/ Ukrayna paytaxtı Kiyevdə atışma nəticəsində bir nəfər ölüb, biri yaralanıb.

"Report" "İnterfaks"a istinadən xəbər verir ki, hadisə paytaxtın "Beresteyskaya" metro stansiyası yaxınlığındakı tramvay dayanacağında baş verib.

Şahidlərin sözlərinə görə, insident zamanı, təxminən, yeddi dəfə atəş açılıb.

Hadisə yerinə iki polis patrul qrupu gəlib, baş verənlər araşdırılır.