Yuxarı
    Bağlamaq

    Kiyev vilayətində qrip epidemiyasına görə fövqəladə vəziyyət rejimi tətbiq edilib

    Ukraynada qrip və onun fəsadlarından ölənlərin sayı artıq 171 nəfərə çatıb

    Bakı. 2 fevral. REPORT.AZ/ Ukraynanın Kiyev vilayətində qripə və kəskin respirator virus infeksiyasına yoluxma hallarının sayı epidemiya həddini keçdiyinə görə fövqəladə vəziyyət rejimi tətbiq edilib. "Report" xəbər verir ki, bu barədə vilayət administrasiyasının mətbuat xidməti məlumat verib.

    Məlumata görə, vilayətin bəzi rayonlarında xəstəliyə yoluxma hallarının sayının qəfil artması fövqəladə vəziyyət tətbiq edilməsini zəruri edib.

    Administrasiyanın rəhbərinin müavini Lev Partsxaladze epidemik vəziyyətin fövqəladə təhlükəli olduğunu və buna görə kütləvi tədbirlərin sayının azaldılmasına, xəstəxana və laboratoriyaları dərman və dezinfeksiyaedici vasitələrlə təchiz edilməsinə, eləcə də ilkin tibbi yardım mərkəzləri üçün əlavə avtonəqliyyat vasitələrinin ayrılmasına qərar verildiyini diqqətə çatdırıb.

    Ukrayna Səhiyyə Nazirliyinin məlumatına görə, ölkədə qrip və onun fəsadlarından ölənlərin sayı artıq 171 nəfərə çatıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi