KİV: İtaliyanın Baş naziri bu gün istefa verə bilər

İtaliyanın Baş naziri Mario Draqi iyulun 21-də istefa verə bilər.

"Report" xəbər verir ki, bu barədə "Rai News 24" telekanalı Quirinal sarayındakı mənbələrə istinadən məlumat yayıb.

Telekanalın məlumatına görə, Baş nazir parlamentin aşağı palatasındakı müzakirələri izləyəcək, burada Senatda keçirilən səsverməyə oxşar prosedur planlaşdırılıb.

Qeyd edək ki, iyulun 20-də İtaliya Senatı Baş nazir Draqiyə etimad göstərib. Etimad səsverməsində 95 senator Draqini dəstəkləyib, 38 senator isə əleyhinə çıxıb.