KİV: Braziliya hökuməti İsrail səfirinin ölkədən çıxarılmasını müzakirə edir

Braziliya hökuməti İsrail səfiri Daniel Zonşayni çıxarılmasını müzakirə edir.

“Report” xəbər verir ki, bu barədə “O Globo” qəzeti məlumat yayıb.

Qeyd olunub ki, Braziliya prezidenti Luiz İnasio Lula da Silva bu məsələni fevralın 19-da beynəlxalq məsələlər üzrə xüsusi nümayəndəsi Selso Amorim ilə müzakirə edib.

Bununla belə, nəşrə görə, Cənubi Amerika Xarici İşlər Nazirliyi israilli diplomatın ölkədən çıxarılmasını “arzuolunmaz və radikal” tədbir hesab edir.