Bakı. 25 iyun. REPORT.AZ/ Kirov vilayətinin qubernatoru Nikita Belıx böyük məbləğdə rüşvət almaqda ittiham olunur.
"Report" "RİA Novosti"yə istinadən xəbər verir ki, bu barədə Rusiya İstintaq Komitəsinin rəhbəri Vladimir Markin məlumat verib.
İstintaq versiyasına görə, N.Belıx şəxsən və vasitəçi ilə ümumilikdə 400 min avro rüşvət alaraq "Novovyat xizək fabriki" və "Meşə təsərrüfatı idarəsi şirkəti"nə rəhbərlik edənlərin xeyrinə addımlar atıb, eləcə də Kirov vilayətinin hökuməti tərəfindən investisiya layihələri hesabına fəaliyyət göstərən müəssisələrdə həyata keçirilən xidmət zamanı müəyyən şəxslərə hamilik edib.
V.Markinin bildirdiyinə görə, Kirov vilayətinin administrasiyasında axtarış həyata keçirilib və yaxın zamanda müstəntiqlər N.Belıx barəsində həbs qətimkan tədbiri seçilməsi üçün məhkəməyə müraciət edəcək.