Bakı. 15 aprel. REPORT.AZ/ Kipr adasının cənub-qərbində 5,5 bal gücündə zəlzələ olub.
"Report" "RİA Novosti"yə istinadən xəbər verir ki, bu haqda ABŞ-ın Geoloji Xidmət Agentliyi məlumat yayıb.
Xəbərə görə, yeraltı təkanların mərkəzi Pafos şəhərindən 14 km şimal-qərbdə olub. Zəlzələnin ocağı 10 km dərinlikdə yerləşib.
Təbii fəlakətin qurbanları və dağıntılar haqda məlumat verilməyib.