Kim Çen In Çinə səfər edəcək

Bakı. 19 iyun. REPORT.AZ/ KXDR lideri Kim Çen In bu gün Çinə səfər edəcək.

"Report" xəbər verir ki, bu barədə "Nikkei Asian Review" nəşri mənbəyə istinadən məlumat yayıb.

Nəşrin məlumatına görə, Kim Çen In ABŞ prezidenti Donald Trampla iyunun 12-də keçirilən görüşü, həmçinin danışıqların sonrakı strategiyasını müzakirə etmək niyyətindədir.

KXDR liderinin Çinin paytaxtına gələcəyi bildirilir. Hazırda Şimali Koreya liderinin təhlükəsizliyinə hazırlıq görülür.

KXDR lideri martın 25-28-də də həyat yoldaşı ilə birlikdə Çinə 3 günlük səfər edib.