Yuxarı

​KİV: Terrorçular Quantanamodakı xüsusi türmədən ABŞ-a köçürülə bilərlər

Məsələ ilə bağlı administrasiya və Konqres arasında kəskin fikir ayrılığı var

Bakı. 15 Avqust. REPORT.AZ/ ABŞ Müdafiə Nazirliyinin nümayəndələri Kubadakı Quantanamo hərbi bazasının xüsusi həbsxanasında saxlanılan terrorçuların bir hissəsinin Kanzas ştatındakı Fort- Livenuort hərbi türməsinə köçürülməsi imkanlarını nəzərdən keçirir.

"Report" xəbər verir ki, bu barədə CNN telekanalı məlumat yayıb.

Kanalın məlumatına görə, təhlükəli cinayətkarların mümkün köçürülmə yeri qismində, həmçinin Çarlstondakı (Cənubi Karolina ştatı) hərbi həbsxana nəzərdən keçirilir.

"Quantanamoda olan 116 terrorçudan təqribən yarısının ABŞ ərazisinə aparılması məsələsi ilə bağlı administrasiya və Konqres arasında kəskin fikir ayrılığı var. Qanunvericilər federal büdcədən bu məqsədlə vəsait ayrılmasına qarşı çıxıblar", - deyə telekanal qeyd edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi