Yuxarı

KİV Özbəkistan prezidenti İslam Kərimovun vəfat etdiyi barədə xəbər yayıb

Məlumat rəsmi hakimiyyət dairələrində öz təsdiqini tapmayıb

Bakı. 29 avqust. REPORT.AZ/ Özbəkistan mətbuatı ölkə prezidenti İslam Kərimovun vəfat etməsi barədə məlumat yayıb.

"Report" xəbər verir ki, məlumat yerli "Ferqana.ru" agentliyinin xəbər lentində yerləşdirilib.

Agentliyin məlumatına görə, özbək lider Daşkənd vaxtı ilə 15:00-16:00-da və ya Bakı vaxtı ilə 14:00-15:00-da dünyasını dəyişib.

Qeyd edək ki, bu informasiya rəsmi hakimiyyət dairələrində öz təsdiqini tapmayıb.

İslam Kərimov avqustun 26-da təntənəli mərasim zamanı özünü pis hiss edib. İlkin məlumatlara görə, Özbəkistan rəhbəri huşunu itirib və yerə yıxılıb, daha sonra o xəstəxanaya yerləşdirilib. Sonradan prezidentin qızı atasının beyninə qan sızdığını bildirib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi