Yuxarı
    Bağlamaq

    ​KİV: "NATO aviasiyasına Rusiya təyyarələrinə hücum etmək icazəsi verilib"

    Britaniya pilotlarına Rusiya təyyarələri ilə təmasdan qaçmaq tapşırılıb

    Bakı. 11 oktyabr. REPORT.AZ/ NATO ölkələri pilotlarına, həmçinin Britaniya hərbi təyyarəçilərinə İraqın hava məkanında "həyatları üçün təhlükə yaranarsa", Rusiya hərbi təyyarələrinə hücum etmək hüququ verilib.

    "Report" xəbər verir ki, bu iddia ilə Londonun "Daily Star Sunday" qəzeti Birləşmiş Krallığın müdafiə idarəsindəki mənbələrinə istinadən çıxış edib.

    "Britaniya Hərbi Hava Qüvvələri pilotlarına bununla yanaşı nəyin bahasına olursa olsun Rusiya təyyarələri ilə təmasdan qaçmaq tapşırığı verilib", - deyə nəşr qeyd edib.

    Məqalədə yazıldığına görə, bu addım Britaniya nazirlərinin "Yaxın Şərqdə vəziyyətin Rusiyanın hərəkətləri səbəbindən daha da təhlükəli" olması ilə bağlı xəbərdarlığından sonra atılıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi