Yuxarı

​KİV: Malidə hotelin azad olunması ilə bağlı əməliyyat başa çatıb

Hücum nəticəsində beş hərbçi və BMT missiyasının bir üzvü həlak olub, iki nəfər ekstremist zərərsizləşdirilib

Bakı. 8 avqust. REPORT.AZ/ Malinin Sevara şəhərində silahlı şəxslərin ələ keçirdiyi "Biblos" hoteli yaraqlılardan tam azad olunub.

"Report" xəbər verir ki, bu barədə şənbə günü France-Presse bildirib.

Ölkənin Silahlı Qüvvələri nümayəndəsinin dediyinə görə, Mali silahlı qüvvələrinin həyata keçirdiyi əməliyyat nəticəsində hotel yaraqlılardan tam azad edilib və əməliyyat artıq başa çatıb.

Cümə günü bir qrup yaraqlı  əsasən xaricilərin qaldığı "Biblos" hotelinə silahlı basqın etmişdi. Burada, həmçinin Birləşmiş Millətlər təşkilatının Malidəki vəziyyətin stabilləşdirilməsi missiyasının üzvləri də yaşayırdılar. Son məlumatlara görə, hücum nəticəsində beş hərbçi və BMT missiyasının bir üzvü həlak olub, iki nəfər ekstremist zərərsizləşdirilib.

Həlak olan BMT missiyası əməkdaşının hansı ölkə vətəndaşı olduğu müəyyən olunmayıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi