Yuxarı

​KİV: "Çində qadın təyyarədən aşağı tullanmaq istəyib"

Qadın təyyarə səmada olarkən intihar etmək qərarına gəlib

Bakı. 5 yanvar. REPORT.AZ/ Pekinin "Capital Airlines" aviaşirkətinin Çanşa şəhərindən Sanya məntəqəsinə uçan təyyarəsinin qadın sərnişini uçuş zamanı qəza çıxışından aşağı tullanmaq istəyib.

"Report" RİA "Novosti"yə istinadən xəbər verir ki, bu barədə "South China Morning Post" nəşri yazıb.

Çin mətbuatının məlumatına görə, qadın təyyarədən atılaraq intihar etmək qərarına gəlib. Təyyarənin heyət üzvləri onu dayandırmaq istədikdə, iki digər sərnişin qadının müdafiəsinə qalxıb və dava düşüb. Lakin insidentə baxmayaraq, təyyarə uğurla təyinat məntəqəsinə eniş edib.

İnsidentin günahkarları ictimai təhlükəsizlik təhdidləri əsasında həbsə alınıb, işin təfərrüatları araşdırılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi