Yuxarı

​KİV: Bəşşar Əsədlə PKK-nın Suriyadakı qolu İŞİD-ə qarşı birləşir

Anlaşmaya əsasən, YPGyə silah-sursat və maddi-texniki dəstək veriləcək

Bakı. 3 iyul. REPORT.AZ/ Terrorçu PKK-nın Suriyadakı qolu "YPG"nin (Xalq Müdafiə Birliyi) məsulları ilə Bəşşar Əsəd hökumətinin müdafiə naziri arasında İŞİD-ə qarşı birgə mübarizəyə dair anlaşma imzalanıb. "Report"un "cnntürk"ə istinadən verdiyi xəbərə görə, bu barədə İraq şimalının lideri Məsud Barzaniyə yaxın olan "Rudaw" TV məlumat yayıb.

Xəbərdə bildirilib ki, anlaşmaya əsasən, Bəşşar Əsəd ordusu İŞİD-ə qarşı mübarizədə "YPG"yə silah-sursat və maddi-texniki dəstək verəcək.

Terrorçu "PYD" (Demokratik Birlik Partiyası) və "YPG"-dən isə məsələyə dair açıqlama yoxdur. Həmçinin "YPG"nin İŞİD-ə qarşı döyüşdə irəliləməyə başladığı və Suriyanın Haseke rayonunun bəzi məhəllələrini ələ keçirdiyi haqda xəbər yayılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi