KİV: ABŞ qoşunlarını İraqdan çıxarmağa başlayıb

Bakı. 5 fevral. REPORT.AZ/ ABŞ qoşunlarını İraqdan çıxarmağa başlayıb.

“Report” “Associated press”ə istinadən xəbər verir ki, ABŞ üçün İraqa muzdlu hərbçi göndərən şirkətlər terror qruplaşması İŞİD-in məğlub edilməsindən sonra şəxsi heyəti və silahlarını Əfqanıstana göndərməyə başlayıb.

İnformasiyaya görə, ötən həftə çox sayda ABŞ hərbçisi İraqdan çıxarılıb.

Vaşinqton rəsmiləri və şirkət təmsilçiləri İraqdan çıxarılan hərbçilərin sayı barədə məlumat verməyiblər. Hətta rəsmilər ABŞ-ın İraqdakı qoşunlarının çıxarılması prosesinin hələ başlamadığını da vurğulayıblar.