Bakı. 29 sentyabr. REPORT.AZ/ Bu gün səhər Kəşmirdə Pakistan və Hindistan hərbçiləri arasında atışma baş verib.
"Report" TASS-a istinadən xəbər verir ki, hadisə nəticəsində azı iki pakistanlı hərbçi həlak olub.
Hələlik Hindistan tərəfdən itki barədə məlumat yoxdur.
Pakistanın "Geo-TV" telekanalı Hindistan hərbçilərinin Pakistan ordusunun mövqelərinə səbəbsiz atəş açdığını bildirib. "Biz cavab verən kimi hindistanlıların atəş səsləri kəsildi",- deyə telekanal Pakistanın hərbi mənbələrinə istinadən məlumat verib.
Öz növbəsində, Hindistan tərəfi Pakistan ordusunun atəşkəsi pozduğunu və Cammu və Kəşmirdəki nəzarət xəttindən atəş açıldığını bildirib.
NDTV-nin verdiyi məlumata görə, Hindistan baş naziri Narendra Modi Kəşmirdəki atışma ilə bağlı hökuməti təcili iclasa çağırıb.