Yuxarı

Kanar adalarında beşmərtəbəli bina uçub - yeddi ölü

Ölənlər İspaniya, Mərakeş, həmçinin İtaliya və Finlandiya vətəndaşlarıdır

Bakı. 17 aprel.REPORT.AZ/Kanar adalarına məxsus kurort şəhərində 24 mənzilli, 5 mərtəbəli binanın uçması nəticəsində yeddi nəfər ölüb.

"Report"un məlumatına görə, hadisə Los-Kristianos kurort şəhərinin mərkəzində baş verib. "A-be-se" ispan qəzetinin verdiyi xəbərə görə, uçqunlar altında qalanlar var.

Ölənlər İspaniya, Mərakeş, həmçinin İtaliya və Finlandiya vətəndaşlarıdır. Fövqəladə hadisələr üzrə xüsusi bölmənin əməkdaşları, həmçinin polislər də daxil olmaqla dağıntıların təmizlənilməsinə, uçqunların altında qalanların xilas edilməsinə 200-dən çox adam cəlb edilib.

Binanın uçması ilə bağlı müxtəlif versiyalar irəli sürülür. Ehtimal olunur ki, hadisəyə qaz sızması nəticəsində əmələ gəlmiş partlayış səbəb olub. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi