Bakı. 5 iyul. REPORT.AZ/ Kanadanın Brampton şəhərində qız bıçaqla avtobusun sərnişinlərinə hücum edib.
"Report" xəbər verir ki, bu barədə "CTV News" telekanalı məlumat yayıb.
Məlumatda bildirilir ki, hadisə zamanı 4 nəfər xəsarət alıb. Onlardan biri 49 yaşlı kişidir. Xəsarət alanlar arasında həmçinin 18, 19 və 28 yaşlı qadınlar da var.
Hadisəni törədən şəxs polis əməkdaşları tərəfindən saxlanılıb. Silahlı insidentin səbəbi və başvermə şəraiti araşdırılır.