Kanadada mülki təyyarə qəzaya uğrayıb, yaralananlar var

Nyufaundlend və Labrador ştatında kiçik mülki təyyarənin qəzaya uğraması nəticəsində iki nəfər xəsarət alıb.

“Report” xəbər verir ki, bu barədə yerli CBC telekanalı məlumat yayıb.

Bildirilib ki, insident dekabrın 14-də səhər Kanada Silahlı Qüvvələrinin hərbi bazasının yaxınlığında baş verib. Heppi-Velley-Qus-Bey hava limanından 5 km aralıda kiçik bir təyyarə meşə zolağına düşüb.

Məlumata görə, hərbçilər qəzaya uğrayan təyyarədən zərərçəkənlərə kömək ediblər. Pilot və sərnişin ağır yaralanaraq xəstəxanaya aparılıb.