Kalininqradda miqrantlar iş tapa bilməyəcək

Rusiyanın Kalininqrad vilayətində miqrantların çörək və qənnadı məmulatları istehsalı sahəsində işləməsi, ictimai nəqliyyat vasitələrinin sürücüsü və müəllim olması qadağan ediləcək.

“Report” xəbər verir ki, müvafiq fərman vilayətin başçısı Anton Əlixanov tərəfindən imzalanıb, sənəd hüquqi məlumatların rəsmi portalında yerləşdirilib.

Bundan əlavə, xarici vətəndaşlar işə götürmə sektorunda və uşaq bağçalarında da iş tapa bilməyəcəklər. Fərman üç aydan sonra qüvvəyə minir, bir il davam edəcək.