Yuxarı

​Kaliforniyada yüngül mühərrikli təyyarə evin üstünə düşüb

Pilot və sərnişinlərin vəziyyəti haqqında məlumat yoxdur

Bakı. 11 oktyabr. REPORT.AZ/ ABŞ-ın Kaliforniya ştatında göyərtəsində iki sərnişin olan yüngül mühərrikli təyyarə yaşayış evinin üzərinə düşüb.

"Report" "Associated Press"ə istinadən xəbər verir ki, bu barədə ABŞ-ın Federal Mülkü Aviasiya İdarəsinin mətbuat katibi Allen Kenitzep məlumat verib.

Onun sözlərinə görə, insident yerli vaxtla şənbə günü axşam Nevada ştatı ilə sərhəddə yerlşən Saut-Leyk-Taxoda baş verib. Məlumata görə, yüngül mühərrikli "Beech 35 Bonanza" təyyarəsinin qəzası onun Leyk Taxo aeroportundan havaya qalxmasından bir qədər sonra baş verib.

Təyyarədə olan sərnişinlərin vəziyyəti haqqında hələ ki, məlumat yoxdur. Evdə olan insanlar zərər çəkməyiblər. Təyyarənin düşməsi nəticəsində kiçik yanğın baş verib və tezliklə söndürülüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi