Kaliforniyada təyyarə avtomobil yoluna düşüb - VİDEO

Bakı. 30 iyun. REPORT.AZ/ Birləşmiş Ştatların Kaliforniya ştatında ikimühərrikli təyyarə avtomobil yoluna düşərək qəzaya uğrayıb.

"Report" "ABC News" telekanalına istinadən xəbər verir ki, qəza Oranc Kaunti şəhərinin 405 saylı magistralında baş verib.

Qəza avtoregistrator tərəfindən qeydə alınıb.

Nəşrin məlumatına görə, təyyarənin göyərtəsində iki nəfər olub. Onlar ciddi travma və yanıq xəsarətləri alıblar.

Təyyarə yerə düşmə nəticəsində yanıb.

Yol bağlanıb. Hadisə yerində fövqəladə xidmətin əməkdaşları işləyir.