Kaliforniyada meşə yanğınları nəticəsində ölənlərin sayı 6-ya çatıb

Bakı. 30 iyul. REPORT.AZ/ ABŞ-ın Kaliforniya ştatında tüğyan edən meşə yanğınları nəticəsində ölənlərin sayı 6-ya çatıb, daha 7 nəfər isə itkin düşüb.

“Report” RİA Novostiyə istinadən xəbər verir ki, əvvəlcə yanğınlar nəticəsində 5 nəfərin öldüyü bildirilirdi. Yanğın 19,5 min hektar sahəni əhatə edib, ətraf ərazilərdən 38 min insan təxliyə olunub.

ABŞ Prezidenti Donald Tramp Kaliforniya ştatında fövqəladə vəziyyət elan edib.