Kabildə nazirlik əməkdaşlarını daşıyan avtobusa hücum olub, 10 nəfər yaralanıb - YENİLƏNİB

Əfqanıstan paytaxtı Kabulda Həcc Ziyarəti və Dini İşlər üzrə Nazirliyin əməkdaşlarını daşıyan avtobusa hücum nəticəsində azı 10 nəfər xəsarət alıb. 

“Report” “Tolo News”a istinadən xəbər verir ki, məlumatı Əfqanıstanın Daxili İşlər Nazirliyi yayıb.

Hücum edən şəxslər avtobusu partlatmağa cəhd ediblər.  

*** 08:36

Mayın 27-də səhər saatlarında Əfqanıstanın paytaxtı Kabildə dövlət qulluqçularının olduğu avtobus minaya düşüb.

"Report" TASS-a istinadən xəbər verir ki, bu barədə "Sinxua" məlumat yayıb.

Bildirilir ki, partlayış nəticəsində ölənlər ola bilər.