Cozep Borrell: "Avropa İttifaqı hüdudlarında miqrantlara yardım göstərilməlidir"

"Avropa İttifaqının (Aİ) Belarus sərhədlərindəki mövcud vəziyyət yolverilməzdir, miqrantlara humanitar yardım göstərilməlidir".

“Report” xarici KİV-ə istinadən xəbər verir ki, bunu Avropa İttifaqının (Aİ) xarici işlər və təhlükəsizlik siyasəti üzrə ali nümayəndəsi Cozep Borrell deyib.

O, “Şərq tərəfdaşlığı” ölkələrinin xarici işlər nazirlərinin sərhəd böhranına həsr olunmuş görüşü ərəfəsində bildirib: “Görüşə hazırlıq çərçivəsində dünən Polşa, Litva, Belarus nazirləri, BMT Baş katibi ilə telefon söhbətlərimiz olub. Belarus xarici işlər nazirinə bildirdim ki, indiki vəziyyət yolverilməzdir, humanitar yardımlar göndərilməlidir”.