Yuxarı

Jan Klod Yunker: Yunanıstanın borclarının restrukturizasiyası məsələsinə baxıla bilər

Bunun üçün Afina ilk növbədə kreditorlar qarşısında əsas öhdəliklərini bir daha təstiqləməlidir

Bakı. 8 iyul. REPORT.AZ/ Avrokomissiyanın sədri Jan Klod Yunker bildirib ki, Yunanıstanın xarici borclarının restrukturizasiyası məsələsinə oktyabrda baxıla bilər.

Onun sözlərinə görə, bunun üçün rəsmi Afina ilk növbədə Avropa Sabitləşdirmə Mexanizmi (ESM) çərçivəsində kreditorlar qarşısında əsas öhdəliklərini bir daha təstiqləyərək yerinə yetirməlidir.

Qeyd edək ki, rəsmi Afina ölkənin ümumi daxili məhsulunun (ÜDM) 175 faizi səviyyəsində olan xarici borcun (315 milyard avro) azı 30 faizinin silinməsini istəyir. Baş nazir Aleksis Tsipras, həmçinin, borcun qalan hissəsi ilə bağlı da ödənişlərin müddətinin uzadılmasından yanadır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi