İtaliyada son sutkada 143 min nəfərdə koronavirus aşkarlanıb

İtaliyada son sutkada 142 967 nəfərdə COVID-19 aşkarlanıb. Bu, bir həftə öncəki analoji dövrlə müqayisədə 8,1 % çoxdur.

“Report” xəbər verir ki, bu barədə ölkənin Səhiyyə Nazirliyi məlumat yayıb.

Bildirilib ki, eyni dövr ərzində 157 nəfər koronavirusdan ölüb.

Qeyd edək ki, İtaliyada bu ilin yanvarın 28-dən bəri bu qədər çox sayda yoluxma halı aşkar edilməyib. Eyni zamanda bu gün qeydə alınan ölüm hallarının sayı 2022-ci ilin aprelindən bəri ən böyük göstəricidir.