İsveçdə inflyasiya 2008-ci ildən sonra rekord səviyyəyə çatıb

İsveçdə inflyasiya səviyyəsi 2008-ci ildən sonra rekord səviyyəyə - 3,1%-ə çatıb.

“Report” xarici mətbuata istinadən xəbər verir ki, ölkədə qiymət artımı COVID-19 pandemiyası ilə bağlı tətbiq edilən məhdudiyyətlərin yumşalması ilə bağlı ola bilər. Belə ki, ölkədə yanacağın, ərzaq məhsullarının, həmçinin mal və xidmətlərin qiyməti artıb.

Xatırladaq ki, 2008-ci ilin oktyabr ayında İsveçdə inflyasiyanın rekord göstəricisi qeydə alınıb. Həmin vaxt inflyasiya səviyyəsi 3,3% təşkil edib.