İsrail vətəndaşları sentyabrdan ABŞ-a vizasız səfər edə biləcək

İsrail vətəndaşları bu ilin sentyabrından ABŞ-a vizasız səfər edə biləcəklər.

“Report” xəbər verir ki, bunu İsrailin Baş naziri Benyamin Netenyahu tviterdə yazıb.

Onun sözlərinə görə, İsrail vətəndaşlarının ABŞ-a səfəri üçün bütün qanuni tələblər yerinə yetirilib: “Növbəti aylarda daha bir neçə prosedur həyata keçiriləcək. 2023-cü ilin sentyabrında ABŞ İsrail vətəndaşlarının vizasız səfər edə biləcəkləri ölkələr siyahısına daxil olacaq”.