İraqda terror aktı zamanı bir neçə uşaq yaralanıb, ölən var

İraqın şimal-şərqindəki Diyala əyalətində terror aktı törədilib.

Bu barədə “Report” “Anadolu” agentliyinə istinadən xəbər verir.

Məlumata görə, hadisə nəticəsində bir uşaq həlak olub, daha dörd azyaşlı yaralanıb.

Polisdə bildirilib ki, İŞİD terrorçuları As-Sadiya şəhərində bomba partladıblar. Partlayış yaşı 10-dan az olan uşaqların oynadığı meydançada törədilib.

Yaralılardan bəzilərinin vəziyyəti ağırdır.